МОСКВА, 30-май, 2025-жыл — АА Караван инфо.АКШнын апелляциялык соту Эл аралык соода боюнча федералдык соттун кечээ чыгарган президент Дональд Трамптын импорттук товарларга болгон ири тарифтерине бөгөт койгон чечимин күчүндө калтырды.

Сот бөгөт коюу дипломатияга зыян келтирди жана мамлекет башчынын ыйгарым укуктарына шек келтирди деп чечти жана Трамптын тарифтерине каршы чыккан компаниялар тобун 5-июнга чейин жазуу жүзүндө аргументтерин берүүнү, ал эми Юстиция министрлигинен 9-июнга чейин жооп берүүнү суранды.

Бостондогу федералдык сот дагы Трамп администрациясынын Гарвардга чет элдик студенттерди кабыл алууга тыюу салуу чечимине бөгөт койду. Судья мындай чечимди 29-майда кабыл алып, ал статус-квону сактап калууга жардам берет деп билдирди. Бирок бул иш боюнча акыркы чечим чыга элек.

Ошентип, Ак үй азырынча университетке студент алмашуу программасын ишке ашырууга жана чет элдик студенттерди кабыл алууга уруксат берген сертификатты жокко чыгара албайт.

Эске салсак, Гарвард Трамптын администрациясына каршы Массачусетс штатындагы федералдык сотко доо арыз менен кайрылып, тыюуну жокко чыгарууну талап кылган.

Чечим убактылуу жокко чыгарылгандыгына байланыштуу чет элдик студенттер дипломдорун ала башташты. Маселен, казакстандык Асел Амангелди аттуу студент Гарварддан магистр даражасын алганын билдирди.

Сүрөт: ачык булактардан.