АСТАНА, 4 маусым – «Караван Инфо» АА.Римде 108-ші Джиро д'Италия жарысы XDS Astana Team командасының жеңісімен аяқталды. Қазақстан құрамасы сапында өнер көрсететін 29 жастағы Лоренцо Фортунато суперкезеңнің үздік тау жарысшысы атанып, көк жейдемен жеңіс тұғырына көтерілді. Оның әріптесі, 27 жастағы Кристиан Скарони сол классификацияда екінші орынды иеленді.

Фортунато жеңісті отбасы мен командасына арнағанын айтып, жарыс бойына қолдау көрсеткендердің барлығына алғысын білдірді. Ол үшінші кезеңнен кейін көк жейдені киген сәттен бастап команда көшбасшылықты сақтап қалу үшін қолдан келгеннің бәрін жасады.

Бұған дейін Джироның 16-шы кезеңінде XDS Astana Team өз күшін көрсетіп үлгерген болатын – содан кейін Скарони бірінші, Фортунато екінші орын алды. Қазақстан командасының шабандоздары барлығы екі жүлделі орынға қол жеткізіп, тоғыз рет кезең бойынша үздік ондыққа енді.

Ашық көздерден алынған фотосурет