Өзбекстанның Сыртқы еңбек миграциясы жөніндегі агенттігі мен жапон ұйымы Japan-China-Asia Medical Educational Cultural Exchange General Incorporated Foundation (JCAEMCE) алдағы бес жылда Жапонияда 10 мың өзбекті жұмысқа орналастыру туралы келісімге қол қойды. Бұл туралы ведомствоның баспасөз қызметі хабарлады.

Бағдарлама аясында Ташкентте, сондай-ақ Самарқанд және Наманган облыстарында «Япон Махорат Нури» курстары ашылады, онда қалағандар жапон тілін оқып, біліктілік емтихандарын тапсыру және жұмысқа орналасу үшін қажетті кәсіби дағдыларды ала алады.

2025 жылдың маусым айынан бастап Жапониядағы бос жұмыс орындарын өз бетінше іздеуге және әлеуетті жұмыс берушілермен тікелей байланысуға мүмкіндік беретін WiseBridge арнайы онлайн платформасы жұмыс істей бастайды.

Тараптар сондай-ақ Жапонияда жұмыс істейтін Өзбекстан азаматтарын құқықтық қорғау және заңсыз көші-қонның алдын алу шаралары туралы келісімге келді.

Жапония Әділет министрі Кейсуке Сузукидің айтуынша, арнайы біліктілігі бар мамандарға арналған техникалық тағылымдамадан өту бағдарламасы мен жеңілдетілген виза жүйесі өзбектерге Жапонияда заңды және қауіпсіз жұмыс істеуге, кәсіби тәжірибе жинақтауға және жоғары мәдениетті жұмыс ортасына енуге жаңа мүмкіндіктер ашады.