"Эл аралык тажрыйбага таянсак, дүйнөнүн көптөгөн өлкөлөрүндө коммуналдык сектордун иши үчүн негизги жоопкерчилик дагы эле мамлекетке жүктөлөт. Ошондуктан дал ушул чөйрөдө эл аралык уюмдардын активдүү катышуусу менен мамлекеттик-жеке өнөктөштүк механизмдерин өнүктүрүү өзгөчө мааниге ээ", – деп айтылат маалыматта.— деп баса белгиледи эксперт.

Ошол эле учурда, региондо ЭФУну суверендүү каржылоонун жалпы көлөмүндө суу секторунун үлүшү төмөн бойдон калууда. 2008-жылдан 2023-жылга чейин Борбор Азия өлкөлөрүнө багытталган 67,5 миллиард доллардын 6%га жакыны же 4 миллиард долларга жакын 147 долбоор суу менен камсыздоо жана канализацияга жумшалган. ЕӨБнын маалыматы боюнча, тазалык тармагындагы мамлекеттик ишканалардын ролу жалпысынан суу менен камсыздоо тармагына караганда жогору. Бир катар Европа өлкөлөрүндө санитардык кызматтарды көрсөтүүдө мамлекеттик структуралардын үлүшү олуттуу бойдон калууда: Австрияда 96%, Германияда 95%, Португалияда 87%, Венгрияда 76% жана Францияда 60%. ЕӨБ санитария тармагындагы долбоорлорду ийгиликтүү ишке ашыруу мамлекет менен бизнестин өнөктөштүгүсүз, ошондой эле эл аралык институттардын ресурстарын тартуусуз мүмкүн эмес экенин баса белгилейт. Борбордук Азиядагы ичүүчү суу менен камсыздоо жана канализация системаларын өнүктүрүү боюнча ЕӨБ аналитикалык отчету орус жана англис тилдеринде жеткиликтүү. МААЛЫМАТ.Евразия өнүктүрүү банкы (ЕӨБ) Евразия чөлкөмүндө инвестициялык ишмердүүлүктү жүзөгө ашырган көп тараптуу өнүктүрүү банкы болуп саналат. Банкка мүчө мамлекеттер КМШнын жети өлкөсү, анын ичинде Өзбекстан. ЕӨБ портфелинде жалпы суммасы 16,5 миллиард долларды түзгөн 300дөн ашык долбоорлор бар. Банктын артыкчылыктуу багыттарына инфраструктура, жашыл энергетика жана Борбордук Азиянын суу-энергетикалык комплекси кирет.