Душанбе, 25-июнь, – «Караван Инфо» МА.Заманбап тажик мамлекеттүүлүгүнүн, жалпы тынчтыктын жана стабилдүүлүктүн, ошондой эле улуттук биримдиктин негизин тажик тынчтыкты сактоо процессинин уникалдуу тажрыйбасы жана элдин акылмандыгы түзөт.

Эгемендүүлүктүн алгачкы жылдарында, Тажикстандын жаңы мамлекеттүүлүгү жаңыдан түзүлө баштаганда, өлкө, тилекке каршы, таңууланган согуштун жана улуттук бөлүнүүнүн туңгуюгуна тартылды. Демек, Тажикстанда тынчтыкка жана ынтымакка жетишүү сүйлөшүүлөрдүн гана натыйжасы эмес, мамлекетти жана улутту кыйроодон сактап калуу үчүн зарыл болгон.

Бул тынчтыкка Улут лидери Эмомали Рахмондун жетекчилиги астында жана тажик элинин тарыхый мүнөздүү касиеттерине – түбөлүк акылмандыкка, сабырдуулукка жана бири-бирине кечиримдүүлүккө негизделген аракетинин жана эркинин аркасында жетишилди.

Тынчтыктын тагдырлуу документи —Тынчтыкты жана улуттук ынтымакты орнотуу боюнча башкы келишим, 1997-жылдын 27-июнунда Москвада кол коюлган жарандык согушту гана токтотпостон, жаңы Тажикстанды тынчтыктын, стабилдүүлүктүн жана туруктуу өнүгүүнүн жолуна салган.

Эл лидери бул тарыхый окуяга токтолуп, мындай деп баса белгиледи:

«Башкы келишим өзүнүн өзгөчө маанилүүлүгү боюнча Тажикстан Республикасынын Эгемендүүлүк Декларациясы менен бир катарда турат».

Бул тынчтык акыл-эстин, улуттук биримдиктин жана саясий кыраакылыктын салтанатынын керунушу болуп калды. Ал Тажикстандын тарыхын гана эмес, тынчтыкты сактоонун дүйнөлүк практикасын да байытып, изилдөө предмети болуп калды.

Тажикстандын тынчтык орнотуу тажрыйбасы – Эмомали Рахмондун жетекчилиги астында – бүгүнкү күндө бир катар өлкөлөрдө ички чыр-чатакты сүйлөшүүлөр жана компромисстер аркылуу чечүүнүн ийгиликтүү модели катары каралат. Анткени, тажиктердин тынчтык жолу күчкө негизделбестен, эрктин, адилеттүүлүктүн жана бири-бирин сыйлоонун натыйжасы болгон.

Тилекке каршы, бүгүнкү күндө бир катар өлкөлөрдө диний, конфессиялык жана саясий карама-каршылыктар мамлекеттүүлүктүн талкаланышына, миңдеген адамдардын өлүмүнө алып келүүдө. Бирок Тажикстан зордук-зомбулуктан баш тартып, ишенимди калыбына келтирип, элди бириктире алды, тынчтык жана жаратмандык жолун тандап алды.

Улуттук биримдик улуттук өзгөчөлүктү жана өзүн-өзү аңдоону калыптандыруунун эң маанилүү элементи болуп калды. Ал эгемендүүлүктүн жана тажик элинин маданий баалуулуктарынын кайра жаралуусунун пайдубалында өсүп, бүгүнкү күндө прогрессивдүү жана цивилизациялуу коомду куруу үчүн негиз болуп саналат.

Тынчтык жана биримдик – тажик эли тарыхтын ар кандай оор сыноолоруна жана мезгилдин сыноолоруна карабастан, өз мамлекетин кайра калыбына келтирүүгө жана өнүктүрүүгө жөндөмдүү экендигинин далили.

Бүгүнкү Тажикстан – бүткүл дүйнөгө туруктуулуктун, биримдиктин жана маданий жанаша жашоонун сабактарын берүүгө жөндөмдүү, чыныгы дипломатиялык потенциалы бар жаратман, тынчтыкты сүйүүчү өлкө.

Терең гумандуулукка, сабырдуулукка жана акылмандыкка негизделген бул жетишилген тынчтык тарыхый окуя катары гана эмес, азыркы мамлекеттик түзүлүштүн жандуу мектеби катары да таанылышы керек.

Жашасын сүйүктүү Тажикстаныбызда улуттук биримдик, тынчтык жана туруктуулук!

Сүрөт: ачык булактардан