КР УКМКнын Чек ара кызматы мамлекеттик чек араны кайтаруунун жаңы оперативдүү-техникалык ыкмасын сунуштады. Демонстрация Министрлер Кабинетинин Председателинин биринчи орун басары — Улуттук коопсуздук мамлекеттик комитетинин председатели генерал-полковник К. Ташиев.

Негизги инновациялардын бири чек арадагы көзөмөлдүн натыйжалуулугун бир топ жогорулаткан заманбап дрондорду колдонуу болду. Учкучсуз учуучу аппараттар тартип бузуучуларды алыскы аралыкта аныктоого жана бир нече километр алдыда алыстан байкоо жүргүзүүгө мүмкүндүк берет. Бул чек ара тозотторунун ыкчам жооп кайтаруусу үчүн жаңы мүмкүнчүлүктөрдү түзөт.

Окуу иш-чарасынын жүрүшүндө чек арачылар өлкөнүн чек арасынын коопсуздугун камсыз кылууда инновациялык технологиялардын мүмкүнчүлүктөрүн ачык-айкын көрсөтүп, учкучсуз учактарды колдонуу менен заставанын ишин көрсөтүштү.

Ушул эле күнү Чек ара кызматына кызматтык иттерди ташуу үчүн атайын адистештирилген эки унаа, ошондой эле ЕККУнун Бишкектеги Программалык кеңсесинен инженерлер жана саперлор үчүн жабдуулардын комплекти тапшырылды. Бул каражат ок атуучу куралдарды, жеңил куралдарды, ок-дарыларды жана жардыргыч заттарды мамлекеттик чек ара аркылуу мыйзамсыз алып өтүү коркунучун азайтуу долбоорунун алкагында бөлүнгөн.

Буга чейин ушул эле долбоордун алкагында кинология борбору курулуп, кинологдордун профессионалдык деңгээлин жогорулатуу үчүн окуулар өткөрүлгөн.

Чек ара агенттиги менен эл аралык өнөктөштөрдүн мындай кызматташуусу Кыргызстандын мамлекеттик чек арасында коопсуздукту жана туруктуулукту чыңдоо боюнча бирдиктүү максатты белгилейт.