КР Улуттук статистика комитетинин маалыматы боюнча 2025-жылдын январь-март айларында өлкөнүн туристтик агенттиктери аркылуу 11,7 миң адам жөнөтүлгөн. Алардын ичинен 11 миңи өлкө ичинде да, чет өлкөлөрдө да саякатка чыккан Кыргызстандын жарандары, 679у Кыргызстанга келген чет элдиктер.

Алдын ала эсептөөлөр боюнча туризм тармагында түзүлгөн дүң кошумча нарк 10,5 миллиард сомду түзүп, өлкөнүн ИДПсынын 3,9%ын түздү.

Туризмдин инфраструктурасын курууга негизги капиталга 3,2 млрд сом жумшалды, бул 2024-жылдын биринчи кварталына салыштырмалуу 1,4 эсеге көп. Негизги капиталга инвестициялардын жалпы көлөмүндө мындай инвестициялардын үлүшү 5,6%ды түздү.

Бул мезгилде автомобиль жолдорун, мейманканаларды, пансионаттарды, эс алуу уйлерун, соода ишканаларын жана башка объектилерди куруу, реконструкциялоо жана ремонттоо боюнча иштер жургузулду.

Калкка 1,1 миллиард сомдук туристтик жана экскурсиялык кызмат керсетулду — еткен жылга салыштырганда 8,9 процентке кебейду. 237,4 млн сомго санаториялык-курорттук кызматтар көрсөтүлдү, бул 9,1%га көп.

Мейманканалар жана башка кыска мөөнөттүү жайгаштыруу кызматтарынын көлөмү 1,1 млрд сомго жетип, 2024-жылдын январь-мартына салыштырмалуу 48,2%га өстү. Ресторандардын жана коомдук тамактануу жайларынын кызмат көрсөтүүлөрү 22,2%га көбөйүп, 1,3 млрд сомду түздү.

Туристтерди ташуудан түшкөн киреше 3 миллиард сомго жакынды түзүп, өткөн жылдын ушул мезгилине салыштырмалуу 3,9%га өстү.

Туризм динамикалык өсүүсүн жана Кыргызстандын экономикасына олуттуу салымын көрсөтүүнү улантууда.