Нарын шаарындагы Шамшы суу сактагычынын курулушу аяктоо алдында турат. Бул тууралуу Айыл чарба министрлигинин басма сөз кызматы билдирди.

Ведомстводон билдиришкендей, суу сактагычтын курулушуна 15,972 миллион АКШ доллары өлчөмүндө каржылоо каралган.

Каржылоо Ислам өнүктүрүү банкы, Сауд өнүктүрүү фонду жана министрлер кабинети тарабынан каржыланган. Бүгүнкү күндө бардык курулуш иштеринин 80%ы бүткөрүлдү.

Суу сактагычты толтуруучу негизги булак болуп Кочкор дарыясынын сол куймасы Шамшы суусу эсептелет.

Суу сактагычтын дамбасы деңиз деңгээлинен 2416 м бийиктикте курулуп жатат, ал эми магистралдык жана ички каналдар деңиз деңгээлинен 2270-2030 м бийиктикте жайгашкан.

Долбоордо гидротехникалык курулмалары менен сыйымдуулугу 3,8 млн м³ суу сактагычты, дамбаны, магистралдык суу алуучу курулушту, 10,5 км узундуктагы жаңы магистралдык каналды жана 35 км чарбалык каналды куруу каралган. Бул объектилер ишке киргизилгенден кийин 1068 гектар сугат жерди сугат менен камсыз кылуу пландаштырылган.