Министрлер кабинетинин төрагасы Адылбек Касымалиев Чүй облусундагы Такыр-Төр тоо көлүнүн жарылуусунан жабыркаган аймактын үстүнөн учуп өттү.

Саат 19:30га (27-июнь) карата сел жүрүшү мүмкүн болгон аймактан 950 адам эвакуацияланды. Өзгөчө кырдаалдар министри Бообек Ажыкеевдин маалыматына караганда, учурда жабыркагандар жок.

Учуу учурунда Адылбек Касымалиев тиешелүү кызматтарга кырдаалды көзөмөлгө алып, кырдаалга үзгүлтүксүз мониторинг жүргүзүүнү тапшырды.