Vazirlar Mahkamasi raisi Adilbek Qosimaliev Chuy viloyatidagi Takir-Tor tog‘li ko‘li yorilishi natijasida zarar ko‘rgan hudud bo‘ylab parvoz qildi.

27-iyun kuni soat 19:30 holatiga ko‘ra, 950 kishi sel bo‘lishi mumkin bo‘lgan hududdan evakuatsiya qilingan. Favqulodda vaziyatlar vaziri Boobek Ajikeev bergan maʼlumotga koʻra, hozircha qurbonlar qayd etilmagan.

Parvoz davomida Adilbek Qosimaliev tegishli xizmatlarga vaziyatni nazoratda ushlab turish va doimiy monitoringni ta’minlash bo‘yicha ko‘rsatmalar berdi.