2025-жылдын 26-27-июнунда Женева шаарында (Швейцария) өткөн Европа жана Борбордук Азиядагы билим берүү жана технология министрлеринин жолугушуусунун алкагында Кыргыз Республикасынын Билим берүү министри Догдуркүл Кендирбаева Сербия Республикасынын Билим берүү министри Деян Вук Станкович жана Safe Manojlov онлайн платформасынын аткаруучу директору Мария Маножов менен жолугушту.

Сүйлөшүүлөрдүн жүрүшүндө билим берүү системасын өркүндөтүү, мугалимдердин кесиптик квалификациясын жогорулатуу, студенттер арасында санариптик көндүмдөрдү өнүктүрүү, инклюзивдик билим берүүнү өнүктүрүү боюнча эки тараптуу кызматташтыкты чыңдоо маселелери талкууланды.

Тараптар мындан аркы тыгыз кызматташууга даяр экендиктерин ырасташты жана министрлер кызматташуу жөнүндө меморандумду даярдоого макулдашышты.