Өзбекстанда россиялык Motorika компаниясы Балдарды социалдык адаптациялоо республикалык борбору (РСАК) жана «СМА Оиласи» бейтаптар уюму менен биргеликте демилгелеген «Жеткиликтүү чөйрө» социалдык долбоору ишке кирди. Долбоор инклюзивдик коомду түзүүгө, функционалдык жеткиликтүүлүктү өнүктүрүүгө жана колдоого муктаж балдарды заманбап транспорт каражаттары, анын ичинде адистештирилген коляскалар менен камсыздоого багытталган.Демилге бир катар иш-чараларды камтыйт:

• өлкөнүн бардык университеттеринде илимий жана практикалык лекцияларды өткөрүү;
• Өзбекстандын сейил бактарында жана соода борборлорунда кайрымдуулук акцияларын жана фотозоналарды орнотуу;
• октябрь айында адистердин, үй-бүлөлөрдүн жана уюмдардын ортосунда тажрыйба алмашуу аянтчасы боло турган “SMA мектеби” конференциясын өткөрүү;
• омуртка булчуңдарынын атрофиясы (SMA) менен жабыркаган балдар үчүн реабилитациялык курстун ачылышы.

Долбоор Россотрудничествонун колдоосу менен ишке ашырылып, кыймыл мүмкүнчүлүгү чектелген адамдардын көйгөйлөрү боюнча коомчулуктун маалымдуулугун жогорулатууга, ошондой эле мүмкүнчүлүгү чектелген балдарды тарбиялап жаткан үй-бүлөлөргө практикалык жардам көрсөтүүгө багытталган.