АСТАНА, 2 шілде – «Караван Инфо» АА.Денсаулық сақтау министрі Ақмарал Әлназарова Алматы облысында жаңа фармацевтикалық зауытты іске қосу мәселесі бойынша үнділік және қазақстандық инвесторлардың өкілдерімен жұмыс кеңесін өткізді.

Жоба бірлескен кәсіпорын арқылы жүзеге асырылуда, инвестиция көлемі шамамен 60 млн АҚШ долларын құрайды. Ішкі нарыққа ғана емес, экспортқа да бағытталған толық циклді өндіріс құру жоспарлануда.

Денсаулық сақтау министрлігінің басшысы отандық фармацевтиканы дамыту Мемлекет басшысы атап өткен басым бағыттардың бірі екенін баса айтты. Оның айтуынша, Қазақстан өзінің орналасқан жері мен тұрақты инвестициялық ортасының арқасында халықаралық ынтымақтастық үшін тартымды алаңға айналып отыр.

Сондай-ақ мемлекеттік қолдау шаралары мен мемлекеттік бағдарламалар бойынша ұзақ мерзімді жеткізу перспективалары талқыланды. Кездесуге қатысушылар жақын арада жобаны іс жүзінде жүзеге асыруды бастауға дайын екендіктерін растады.

Фото: Қазақстан Республикасы Денсаулық сақтау министрлігі