Кыргыз Республикасынын Министрлер Кабинетинин Төрагасы – Кыргыз Республикасынын Президентинин Администрациясынын Жетекчиси Адылбек Касымалиевдин жетекчилиги астында Кыргыз Республикасынын Министрлер Кабинетинин кезектеги отуруму болуп өттү.

Жыйындын жүрүшүндө өкмөт менен бир катар жоопкерчилиги чектелген коомдордун ортосунда түзүлгөн инвестициялык долбоорлорду ишке ашырууга байланышкан маселелер, ошондой эле министрлер кабинетинин токтом долбоорлору каралды.

Өзгөчө көңүл Ысык-Көл районунун Тору-Айгыр-Тамчин айыл өкмөтүндө 1900 МВт күн электр станциясын куруу жана эксплуатациялоо долбоору боюнча инвестициялык макулдашууну бекитүүгө бурулду.

Энергетика министри Таалайбек Ибраев күз-кыш мезгилдеринде 3-4 миллиард кВт/саат электр энергиясынын таңкыстыгын эске алып, энергиянын кайра жаралуучу булактары тармагындагы долбоорлорду ишке ашыруу өлкө үчүн артыкчылыктуу багыт экенин белгиледи.

Жыйындын соңунда Министрлер Кабинетинин Төрагасы жооптуу мамлекеттик жана муниципалдык органдарга кабыл алынган чечимдердин сапаттуу аткарылышын камсыз кылууну тапшырып, Президенттин Аппаратына ченемдик укуктук актыларды даярдоодо стандарттарды катуу сактоого чакырды.