Габала, 3 шілде, 2025 жыл – Караван Инфо ақпараттық агенттігі.Қазақстандық делегация Әзербайжанға «Габала – ТМД жастар астанасы 2025: алуан түрлілік пен бірлікті мерекелеу» бағдарламасының ашылу салтанатына қатысу үшін келді.

Бұл шара ТМД елдерінен жастар мен волонтерлік қозғалыстардың жетекшілері, мемлекеттік органдардың өкілдері мен тәлімгерлерді біріктірді. Кездесу Достастық елдері жастарының өзара байланысын нығайтуға бағытталған.

Бағдарлама аясында Жастар қоғамдық ұйымдарының форумы және ТМД-ға қатысушы мемлекеттердің жастар ісі жөніндегі кеңесінің отырысы болды. 2005 жылы құрылған Кеңес ТМД елдерінде жастар саясатын қалыптастыруға, стратегиялық құжаттар мен халықаралық жобаларды әзірлеуге белсенді қатысады. Оның құрамына Достастық елдерінің мемлекеттік органдарының басшылары да, жастар мен қоғамдық ұйымдарының жетекшілері де кіреді.

Фото: ҚР Мәдениет және ақпарат министрлігінің баспасөз қызметі