АСТАНА, 4 шілде – «Караван Инфо» АА.Бүгін Астанадағы Жақсылық Үшкемпіров атындағы жекпе-жек сарайында әлем чемпионатының ширек финалдық жекпе-жегі өтеді. Кешкі бағдарламада 16 жекпе-жек бар, оның қорытындысы бойынша жартылай финалистер анықталады.

Қазақстан атынан бес спортшы қатысады. Алуа Балқыбекова (51 келіге дейін) жапондық Юна Нишинакамен жұдырықтасады. Аида Әбікеева (65 келіге дейін) оңтүстіккореялық Кан Сук-юнге қарсы рингке шығады. Елдана Талипова (80 келіден жоғары) Өзбекстан өкілі Олтиной Сотимбоевамен кездеседі.

Ерлер арасында Ертуған Зейнуллинов (65 келіге дейін) француз Уго Краумен, ал Сағындық Тоғамбай (90 келіге дейін) Түрік Эмрах Ясармен күш сынасады.

Кешкі сессия Астана уақытымен 19:00-де басталады. Qazsport телеарнасында тікелей эфир.

Фото: Қазақстан бокс федерациясы