Қазақстан, 4 шілде 2025 жыл – Караван Инфо ақпараттық агенттігі.Еуразиялық экономикалық комиссия (ЕЭК) Алқасының отырысында Мемлекеттік сатып алу мақсатында тауарлардың шығарылған елін айқындау қағидаларына No 11 қосымшаны алты жаңа тауар позициясымен толықтыру туралы шешім мақұлданды. Енді медициналық және химиялық өнімдер СТ-1 шығу сертификаты болған жағдайда ЕАЭО елдеріндегі мемлекеттік сатып алуларға қатыса алады.

Бұл шешім ЕАЭО тауарлары деп танылған өнімдердің тізбесін кеңейтуге және тиісінше, Одаққа мүше барлық мемлекеттердің аумағында мемлекеттік сатып алуларға қатысу кезінде оларға ұлттық режимді қамтамасыз етуге бағытталған.

Айта кету керек, ресейлік тарап бұған дейін шығарылған елді анықтау критерийлеріне сәйкес келетін жекелеген өнеркәсіптік тауарларды мемлекеттік сатып алуға қатысуға рұқсат ететін қаулы қабылдаған болатын. Атап айтқанда, бұл Ресей Федерациясының аумағында тауарларды өңдеу бойынша белгілі бір операцияларды жүзеге асыруға, ресейлік тізілімде өндірілген тауарлардың болуына және басқа критерийлерге қатысты.

Осылайша, СТ-1 сертификаты бар қазақстандық өндірушілер жергілікті жеткізушілермен тең негізде тендерлерге қатыса алады, бұл сатуға және нарықты кеңейтуге толық жол ашады.

Жақын арада шешім ЕЭК Кеңесіне түпкілікті бекітуге жіберіледі.

Фото:И.Е./ҚР МТИ