2024йил 22 -июль, душанба куни тожикистонлик спортчилар делегацияси Париждаги 33-ёзги Олимпия ўйинларига йўл олди. Душанбе халқаро аэропортида Тожикистон Республикаси ҳукумати ҳузуридаги Ёшлар ва спорт қўмитаси раиси Гулахмадзода Зулфиқор, Тожикистон Миллий Олимпия қўмитаси Бош котиби Абдуллозода Муҳаммадшо ва спорт соҳасининг бошқа юқори мартабали вакиллари иштирокида кузатиш маросими бўлиб ўтди.
Париж Олимпиадаси учун Тожикистон жамоаси таркибида бокс, сузиш ва енгил атлетика каби турли спорт турларига ихтисослашган спортчилар бор. Турнирда Тожикистон вакили бўлиш учун турли вазн тоифасидаги олтита курашчи, шунингдек, учта боксчи ва иккита сузувчи танлаб олинди.
Алоҳида таъкидлаш керакки, таэквондочи Мунира Абдусаломова ва эркин курашчи Виктор Рассадин Олимпиадага бироздан кейин, 2024 йил 31 июлда боришади.
Тожикистонлик спортчилар ва мураббийлар Париждаги Олимпия ўйинларида медаллар ва шон-шараф учун қийин, аммо ҳаяжонли курашга тайёр.
Сурат: Avesta.tj