2025-жылдагы туристтик сезон кызуу маалында Ысык-Көл райондук Жол кыймылынын коопсуздугун камсыздоо бөлүмүнүн кызматкерлери жол боюндагы мыйзамсыз сооданы болтурбоо максатында рейд өткөрүштү.

Иш-чаранын жүрүшүндө жол коопсуздугуна коркунуч жаратып, мыйзамсыз соода менен алектенген 6 жаран аныкталды. Аларга административдик чаралар көрүлүп, айып пул салынган.

Ошондой эле кызматкерлер тарабынан жарандар менен түшүндүрүү иштери жүргүзүлүп, айдоочулар жана жөө жүргүнчүлөр үчүн жол жээгиндеги тартипсиз сооданын кооптуулугу, жол эрежелерин сактоонун маанилүүлүгү тууралуу кеңири түшүндүрүү иштери жүргүзүлдү.

"Жол коопсуздугун камсыздоо биздин негизги милдетибиз. Жол боюндагы тартипсиз соода-сатык мыйзам бузуу гана эмес, адамдардын өмүрүнө коркунуч жаратат", – деп баса белгилешти кызмат өкүлдөрү.

Иш-чара коомдук тартипти сактоо, коопсуз жол кыймылын уюштуруу жана туристтик сезондо жарандар үчүн ыңгайлуу жана коопсуз шарттарды түзүүгө багытталган.