Кыргызстандын футбол союзунун (КФУ) кеңсесинде ФИФАнын калыстары үчүн семинар аяктады. Иш-чаранын жыйынтыгында бардык катышуучуларга расмий сертификаттар тапшырылды. Беш күндүк окууга жалпысынан 35 калыс жана 25 инспектор катышты.

Тренингди Сингапур, Өзбекстан жана Малайзиядан келген ФИФАнын тажрыйбалуу инструкторлору өткөрүштү. Семинардын негизги максаты калыстарды даярдоонун теориялык жана практикалык деңгээлин жогорулатуу, ошондой эле IFAB жана ФИФА тарабынан кабыл алынган футбол эрежелериндеги акыркы өзгөртүүлөр менен тааныштыруу болду.

Инструкторлор тарабынан уюштурулган практикалык машыгуулар жана видео анализдер талаада эрежелерди так колдонууга жана беттештерде туура чечим кабыл алууга өбөлгө түздү.