Астана, 8-июль, 2025-жыл – Караван Инфо маалымат агенттиги.Астанада өтүп жаткан оор атлетика боюнча жаштар жана өспүрүмдөр арасындагы Азия чемпионатында Казакстан курама командасы дагы бир медалды коллекциясы менен толуктады. 17 жашка чейинки спортчулар арасындагы мелдеште Нурсила Берикбол коло медаль тагынды.

Берикбол жалпысынан 177 килограмм (жүлкуп көтөрүүдө 79 кг + түртүп көтөрүүдө 98 кг) салмакты көтөрүп, үчүнчү жыйынтыкты көрсөттү.

Бул категорияда 196 килограмм (88+108) жыйынтыгы менен түштүк кореялык Даен Ли жеңүүчү болду. Экинчи орунду 187 килограмм (87+100) көтөргөн өзбекстандык Сарвиноз Купайсинова ээледи.

Сүрөт: КР УОК