МОСКВА, 14-июль, 2025-жыл — Караван инфо агентствосу.АКШ президенти Дональд Трамп АКШ Украинага Patriot ракеталарын жана башка “өтө татаал” куралдарды да берерин ырастады.

Трамп Вашингтон Украинага ар кандай аскердик техникаларды жөнөтөрүн айтты. Ал бул коммерциялык келишим экенин жана Украина жеткирүү акысын толугу менен төлөй турганын баса белгиледи.

"Биз 350 миллиард долларга жакын инвестиция салдык, Европаныкы – 100 миллиард доллар. Бул олуттуу суммалар, бирок калыстык үчүн алар бизден көбүрөөк инвестиция салышы керек. Жабдууларды жеткирип жатканда алар бизге кеткен чыгымды төлөп беришет", – деп белгиледи АКШ президенти.

Ал кошумчалагандай, украин армиясы ала турган курал-жарактын так көлөмү азырынча тактала элек, бирок жеткирүү боюнча чечим кабыл алынган. Америкалык басылмалардын маалыматына караганда, Трамп Украинага чабуул куралын жеткирүүнү эртең жарыялайт. Евробиримдик да Орусияга каршы жаңы санкцияларды жарыялайт деп күтүлүүдө.

Видео: Fox News