Илим, жогорку билим жана инновация министрлигинин маалыматы боюнча, 2025/26-окуу жылына Кыргызстандын ЖОЖдоруна жана колледждерине 10 миң билим берүү грантын бөлүү пландалууда.

Анын ичинен 4131 грант орто кесиптик билим берүү мекемелерине арналган.

Мындан тышкары, 2586 грант жогорку кесиптик билим берүү программаларын (бакалавр, адистик) жана педагогикалык багыттагы орто кесиптик билим берүүнү камтыган ваучердик каржылоо системасы аркылуу бөлүштүрүлөт.

Министрлик билдиргендей, талапкерлердин төмөнкү категориялары үчүн өзүнчө квоталар каралган:

• 50 орун – Бүткүл республикалык тестирлөөдөн жогорку балл алган абитуриенттерди конкурстан тышкары кабыл алуу үчүн;
• 550 орун – билим берүү тармагында кызматташуу боюнча өкмөттөр аралык келишимдер боюнча милдеттенмелердин алкагында;
• 75 орун – чет өлкөлөрдө жашаган этникалык кыргыздар үчүн;
• 500 орун – майыптар, жетим балдар жана ата-энесинин камкордугусуз калган балдар үчүн;
• 20 орун – 2002-жылдагы Аксы окуясында, ошондой эле 2010 жана 2021-жылдары каза болгондордун балдарына, ошондой эле кайрылман статусуна ээ болгондорго.