Рақамли технологиялар вазирининг биринчи ўринбосари Олег Пекось жаҳон банки мутахассислари билан онлайн учрашув ўтказди. Муҳокама чоғида томонлар рақамли технологияларни ривожлантириш соҳасидаги жорий икки томонлама ҳамкорлик ва унинг истиқболлари юзасидан фикр алмашдилар.

Йиғилишда Ўзбекистон иқтисодиётининг турли тармоқлари, жумладан, таълим ва соғлиқни сақлаш соҳаларида сунъий интеллект (СИ) технологияларини ривожлантириш ва жорий этиш, шунингдек, сунъий интеллект соҳасини ҳуқуқий тартибга солишга алоҳида эътибор қаратилди. Ўзбекистонда сунъий интеллектни ривожлантириш стратегиясини ишлаб чиқиш ва бу борада халқаро тажрибани қўллаш масалалари муҳокама қилинди.

Бундан ташқари, томонлар жорий йилнинг сентябрь ойида Ўзбекистонда ўтказилиши режалаштирилган ҳар йили ўтказиладиган «ICTWEEK UZBEKISTAN” доирасидаги ҳамкорлик масалаларини муҳокама қилдилар.