БАӘ, 15 шілде, 2025 жыл – Karavan Info ақпараттық агенттігі.Қазақстан құрамасы БАӘ-де өткен 57-ші Халықаралық химия олимпиадасында (IChO-2025) тамаша нәтиже көрсетіп, екі алтын және екі күміс медаль жеңіп алды.

Жеңімпаздар:

• Алтын: Кирилл Ким және Абылай Қабдулхадыр (Назарбаев Зияткерлік мектебі, Астана)
• Күміс: Еңлік Бақытбекова (Назарбаев Зияткерлік мектебі, Алматы) және Аңсар Жақсылықов («Білім-Инновация мектеп-лицейі, Ақтөбе қ.)

Байқауға 93 елден 360-тан астам жас химик қатысты. Команданы тәжірибелі тәлімгерлер – халықаралық олимпиадалардың жеңімпаздары Санжар Бегдайыр мен Ринат Илюсизов дайындады.

Білім министрі Ғани Бейсембаев ұжымды жетістігімен құттықтап: "Бұл жетістіктер қазақстандық білімнің жоғары деңгейін дәлелдейді. Жеңіс жаңа белестерге қадам болатынына сенімдімін".

Фото: Қазақстан Республикасы Білім министрлігі