“Хатлон инвест – 2024” инвестиция форуми 2024 йил октябрь ойида ўтказилиши режалаштирилган.

Хатлон вилояти раиси Давлатали Саид ишбилармонлик муҳити ва инвестицияларни яхшилаш бўйича маслаҳат Кенгашининг 18-йиғилишида ўз нутқи давомида ушбу тадбир чет эл капиталини жалб қилиш, янги технологияларни жорий этиш, тажриба алмашиш, замонавий инфратузилмани барпо этиш ва ижтимоий масалаларни ҳал этиш учун қулай шарт-шароитлар яратиш мақсадида ўтказилиши кераклигини таъкидлади.

“Хатлон инвест – 2024” халқаро инвестиция форуми 2022-2026 йиллар «Саноатни ривожлантириш йиллари» деб эълон қилинганлиги сабабли режалаштирилган.

Шунингдек, форум муҳим платформа сифатида маҳаллий ва хорижий тадбиркорларга ҳамкорлик шартномаларини имзолаш, капитал жалб этиш ва замонавий ишлаб чиқариш технологияларини импорт қилиш орқали минтақанинг барқарор ривожланишига ўзларининг қимматли ҳиссаларини қўшиш имконини бериши таъкидланди.

«Сўнгги йилларда Хатлон вилоятининг экспорт салоҳиятини ривожлантириш бўйича фаол чоралар кўрилди. “Бохтар Фуд” форуми каби тадбирлар, шубҳасиз, муҳим рол ўйнади. Муҳим натижаларга эришиш учун хорижий мамлакатлардан маҳаллий маҳсулотларни импорт қилувчилар форумини ташкил этиш ва ўтказишда, маҳаллий маҳсулотларни кенг тарғиб қилишда ва бошқа чора-тадбирларда янги замонавий шакл ва усуллардан фойдаланиш муҳим», – деди Давлатали Саид.