OSTONA, 16 iyul – “Karavan Info” IA.Olmaotaning “Qayrat” futbol klubi Chempionlar ligasining birinchi saralash bosqichi javob o‘yinida Sloveniyaning “Olimpiya” jamoasini ishonchli tarzda mag‘lub etdi. O‘yin Olmaota shahrida bo‘lib o‘tdi va 2:0 hisobida yakunlandi. 5-daqiqadayoq Jorginyo hisobni ochgan bo'lsa, 31-daqiqada Aleksandr Mrinskiy uning uzatmasidan keyin ikkinchi golni urdi.

Lyublyanadagi birinchi o‘yin 1:1 hisobida yakunlangandi. O'shanda 16 yoshli Dastan Satpayev gol urib, Chempionlar ligasida gol urgan eng yosh qozog'istonlik sifatida rekord o'rnatdi.

“Qayrat” navbatdagi turda “KuPS” (Finlyandiya) – “Milsami” (Moldova) jamoalari o‘rtasidagi bahs g‘olibi bilan uchrashadi.

Foto: KFF