Браконьерликке каршы күрөшүү жана Ысык-Көлдүн суусун браконьерлердин синтетикалык торлорунан тазалоо боюнча күнүмдүк иш-чаралардын алкагында Ысык-Көл облусунун ички иштер башкармалыгынын туристтик жана экологиялык милиция кызматкерлери тарабынан Ысык-Көл облусунун аймагында кезектеги рейд өткөрүлдү.

Рейддин жыйынтыгында көлдөн 1150 метр эски браконьердик торлор чыгарылып, анын ичинде:

• 300 метр – Тору-Айгыр айылынын жанында,
• 400 метр – Өрүктү айылынын аймагында,
• 450 метр – Кожояр айылынын жанында.

Аткарылган иштер экологиялык коопсуздукту камсыздоого, суу биологиялык ресурстарын коргоого жана аймактагы браконьерликке каршы күрөштү күчөтүүгө багытталган.

Ысык-Көл ОИИБдин Туристтик жана экологиялык милиция бөлүмү облустун тургундарын жана конокторун айлана-чөйрөгө жоопкерчиликтүү мамиле жасоого, жаратылышты коргоо мыйзамдарын сактоого жана браконьерлик фактылары аныкталса дароо милицияга билдирүүгө же 102 кызматына кайрылууга чакырат.