Ostona, 2025 yil 17 iyul – Karavan Info axborot agentligi.Ostona shahrida Qozog‘iston Respublikasi Tashqi ishlar vazirining birinchi o‘rinbosari Akan Raxmetullin va Venesuela Bolivar Respublikasining Qozog‘istondagi elchisi Rosalba Lo Bue Antiko o‘rtasida uchrashuv bo‘lib o‘tdi.

Muloqot chog‘ida siyosiy, savdo-iqtisodiy sohalardagi ikki tomonlama hamkorlikning dolzarb masalalari muhokama qilindi. Ikki davlat oʻrtasidagi shartnomaviy-huquqiy bazani kengaytirishga ham eʼtibor qaratildi.

Uchrashuv yakunlari bo‘yicha suhbatdoshlar Ostona va Karakas o‘rtasidagi hamkorlikni ikki tomonlama va ko‘p tomonlama shakllarda yanada kengaytirishga o‘zaro tayyor ekanliklarini bildirdilar.

Foto: Qozog‘iston Respublikasi TIV