“Women in Tech Caucasus and Central Asia” (CCA) мукофотига аризалар қабул қилиш бошланди. Мукофотнинг мақсади Марказий Осиё ва Кавказда технология ривожига катта ҳисса қўшган аёлларни эътироф этиш ва қўллаб-қувватлашдир.

Номзодлар июль охиригача кўрсатилиши мумкин. Якуний тақдирлаш маросими 20 октябрь куни Тошкентда бўлиб ўтади. Тадбирда IT соҳасида гендер тенглигини муҳокама қилиш ва иштирокчилар ўртасида тажриба алмашишга қаратилган панел муҳокамалари, мастер-класслар ва нетворкинг-сессиялари мавжуд.

“Women in Tech CCA” мукофоти аёлларнинг технология соҳасидаги ролини ошириш, шунингдек, уларнинг касбий ўсиши ва ривожланиши учун шароит яратиш учун мўлжалланган.

Сурат: “Women in Tech CCA” мукофотининг расмий веб-сайти