2024 йил 19 июль куни Қирғизистон Ташқи ишлар вазирининг биринчи ўринбосари Асеин Исаев Халқаро Қизил Хоч ва Қизил Яримой Қўмитасининг Қирғизистон Республикасидаги миссияси раҳбари Ангелика Шопп билан учрашди.
Қирғизистон ташқи ишлар вазирлиги матбуот хизматининг хабар беришича, учрашув давомида томонлар Қирғизистон Республикаси ва ХҚХҚ ўртасидаги ҳамкорликнинг турли жиҳатлари, жумладан, халқаро гуманитар ҳуқуқ ва фавқулодда вазиятларни бошқариш соҳасида амалга оширилаётган лойиҳаларни муҳокама қилдилар.
A.Исаев ХҚХҚ нинг Қирғизистондаги миссиясини юқори баҳолади ва унинг ҳудудлардаги тиббиёт ходимларини қўллаб-қувватлаш, шунингдек, ҳуқуқни муҳофаза қилиш органлари ходимларини табиий офатлар ва бошқа фавқулодда вазиятларда шошилинч тиббий ёрдам кўрсатишга ўргатишда муҳимлигини таъкидлади.
Ўз навбатида, А.Шопп ХҚХҚ нинг Қирғизистондаги миссиясининг келажакдаги устувор йўналишлари ва режаларини тақдим этиб, томонларнинг гуманитар ёрдам ва фавқулодда вазиятларни бошқариш соҳасидаги ҳамкорлигини янада ривожлантириш муҳимлигини таъкидлади.
Сурат: Қирғизистон Республикаси ТИВ матбуот хизмати