Қазақстан мен Өзбекстанның әуе кеңістігі арқылы «Т916» жаңа бағыты ашылды.  Бұл Еуропадан Оңтүстік-Шығыс Азияға ұшу үшін қосымша мүмкіндік. Ашылған сәттен бастап маршрут бойынша 19 рейс орындалды және оны жазғы маусымның соңына қарай пайдалану артады деп күтілуде.

«Т916» маршрутының жалпы ұзындығы 2187 км құрайды, оның 437 км — і Өзбекстаннан, ал 1750 км-і Қазақстаннан өтеді.

Жаңа бағыт «Узаэронавигация» ЖБТ өзбек аэронавигациялық провайдерінің авиакомпанияларының ұсынысы бойынша ашылды және ИКАО-ның таңдаулы маршруттар каталогына енгізілді. «Қазаэронавигация» РМК мамандары бұл әуе дәлізі шетелдік авиакомпаниялар үшін қазақстандық аспанның тартымдылығын арттыратынын және Оңтүстік Қазақстан өңірлік орталығының авиадиспетчерлеріне жүктемені төмендететінін атап өтті.

Фото: ҚР Көлік министрлігі