Қазақстан мен Беларусьтің бірлескен барлау бөлімшелері тұтқынға алу, құпия құжаттарды алу және топты тұрақты орынға эвакуациялау мақсатында тау асуында операция жүргізді. Бұл әрекеттер бөлімшелердің үйлесімділігі мен командирлердің дұрыс шешім қабылдау қабілетін бағалайтын «Бауырластық шыңы-2024» жаттығуларының бөлігі болды.

Міндеттердің орындалуын Қазақстанның Десанттық-шабуылдау әскерлерінің қолбасшысы генерал-майор Алмаз Жұмақеев және Беларусь Қарулы күштерінің арнайы операциялар күштері штабының бастығы полковник Александр Ильюкевич қадағалады.

Генерал-майор А. Жұмақеев таулы-шөлді жерлерде өткізілген жаттығулардың практикалық бөлігі бөлімшелердің дайындығы мен өзара іс-қимылының жоғары деңгейін көрсеткенін атап өтті. Беларусь арнайы күштерінің нұсқаушылары қазақстандық әріптестерімен тактикалық медицина бойынша сабақтар өткізіп, тәжірибелерімен бөлісті.

«Бауырластық шыңы-2024» оқу-жаттығуы Жетісу облысында «Көктал» полигонында 15-20 шілде аралығында өтті, оған Қазақстан мен Беларусьтен 350-ден астам әскери қызметші қатысты. Жабылу салтанатында ерекше көзге түскен әскери қызметшілер грамоталармен және бағалы сыйлықтармен марапатталды. Мұндай жаттығуларды жыл сайын қарулы күрестің жаңа тәсілдері мен құралдарын ескере отырып өткізу жоспарлануда.

Фото: ҚР ҚМ