Өзбекстанда 30-июлдан 30-августка чейин чет өлкөдө аялуу абалга туш болгон өлкөнүн жарандарына жардам көрсөтүү максатында «Мекенге кайтуу» аттуу кайрымдуулук акциясы өтүүдө.

Демилгени Миграция агенттиги Тышкы иштер министрлиги, Иш менен камсыз кылуу министрлиги, Үй-бүлө жана аялдар иштери боюнча комитети, өлкөнүн укук коргоо органдары менен биргеликте ишке ашырууда. Акция жыл сайын 30-июлда белгиленүүчү адамдарды сатууга каршы күрөшүүнүн бүткүл дүйнөлүк күнүнө карата уюштурулууда.

Программанын негизги максаты – өлкөдөн тышкары оор турмуштук кырдаалга туш болгон өзбектердин мекенине кайтып келүүсүнө жана андан ары социалдык адаптациясына көмөктөшүү.

Программага катышууну каалаган жарандар төмөнкү дарекке кайрылса болот:

· Тышкы эмгек миграциясы боюнча агенттиктин чет өлкөлүк өкүлчүлүктөрүнө;

· Өзбекстандын дипломатиялык жана консулдук мекемелерине;

· Telegram боту аркылуу@legalaiduzbot;

· же кыска номер менен12-82.

Уюштуруучулар жардамга муктаждардын бардыгын жалгыз калбоого жана мамлекет тарабынан көрсөтүлгөн колдоодон пайдаланууга чакырат.