Vashingtonda maktab o‘quvchilari shaxmat bo‘yicha jahon chempionati boshlanmoqda va O‘zbekiston sharafini “Wisdom” jamoasi himoya qiladi. Xalqaro shaxmat federatsiyasi (FIDE) tomonidan Xalqaro maktab o‘quvchilari shaxmat federatsiyasi bilan hamkorlikda o‘tkazilayotgan mazkur turnir ikkinchi marotaba o‘tkazilmoqda. Bu yil 40 dan ortiq davlatdan 55 ta jamoa ishtirok etishini tasdiqladi. Musobaqa shveytsariya tizimi bo'yicha o'tkaziladi va sakkiz turni o'z ichiga oladi. Shu bilan birga, 4-5 avgust kunlari xalqaro konferensiya bo‘lib o‘tadi, unda mutaxassislar shaxmatning ta’lim tizimidagi o‘rni va intellektual o‘yinlarning maktab o‘quvchilari rivojlanishiga ta’sirini muhokama qiladi. Musobaqaning yakuniy kuni 7 avgustga belgilangan.