MDH davlatlarining III o‘yinlari yosh sportchilar o‘rtasidagi do‘stlik, hamjihatlik va sport ruhi timsoliga aylanib, mintaqadagi eng nufuzli sport tadbirlaridan biriga aylanadi.

2025-yilda bo‘lib o‘tadigan III MDH o‘yinlarida olti davlat vakillari ishtirok etadi; oʻyinlarda ishtirok etadigan delegatsiyalarni roʻyxatga olish davom etmoqda.

So‘nggi ma’lumotlarga ko‘ra, MDHning 7 davlatidan 23 sport turi bo‘yicha musobaqalarda ishtirok etish uchun 1659 nafar sportchi ro‘yxatdan o‘tgan. Roʻyxatdan oʻtgan ishtirokchilarning umumiy soni 2385 nafarni tashkil etadi.

Oltita mamlakat jamoaviy sport turlari – futbol (U-16), 3×3 basketbol va voleybolda ishtirok etishini tasdiqladi. Sportning kurash, boks, dzyudo, taekvondo kabi individual turlari bo‘yicha 100 nafardan ortiq sportchi ro‘yxatdan o‘tgan. Dastlabki bosqichda faqat MDH davlatlarining delegatsiyalari ro‘yxatga olinadi. Ikkinchi bosqichda MDHga aʼzo boʻlmagan davlatlarning maxsus taklifnoma boʻyicha oʻyinlarda ishtirok etuvchi delegatsiyalarini roʻyxatga olish amalga oshiriladi. 23 davlatdan 5500 ga yaqin ishtirokchilar kelishi kutilmoqda. III MDH oʻyinlari 2025-yil 28-sentabrdan 8-oktabrga qadar Ozarbayjonning yettita shahrida – Ganja, Yevlax, Mingachevir, Gabala, Sheki, Goʻygol va Xankendida boʻlib oʻtadi.