МОСКВА, 12-сентябрь.Премьер-министр Михаил Мишустин улуу колбашчы Александр Суворовдун туулган күнүнүн 300 жылдыгын майрамдоого даярдык көрүү жана өткөрүү боюнча уюштуруу комитетин түзүүнү тапшырды. Бул тууралуу расмий укуктук маалымат порталында маалымдалды.

Комитеттин ишин уюштуруу-техникалык жактан камсыз кылуу Россиянын Коргоо министрлигине тапшырылды; структураны коргоо министри Андрей Белоусов жетектейт.

Буга чейин, 17-майда Орусиянын президенти Владимир Путин 2030-жылы Суворовдун мааракесин белгилөө жөнүндө жарлыкка кол койгон. Иш-чаралар федералдык деңгээлде пландалып, ага орустун улуу кол башчысынын мурасына арналган салтанаттуу иш-чаралар, билим берүү жана маданий демилгелер да камтылат.

МААЛЫМАТ:Александр Васильевич Суворов (1730–1800) – Россиянын атактуу аскер башчыларынын бири, 18-кылымдагы көптөгөн аскердик жүрүштөрдүн катышуучусу. Ал эч качан согушта жеңилген эмес жана аскердик стратегияда олуттуу мурас калтырган. Маараке тарыхый мурасты жайылтууга жана жаштарды патриоттук тарбиялоого мүмкүнчүлүк болот.

Сүрөт: Ачык булактар