МОСКВА, 16 сентябри соли 2025 АИ «Караван Инфо». Вазорати федеролии Ҳифзи конститутсияи Олмон (BfV) бори аввал аз Туркия Синан Селен роҳбарӣ намуд. Номзадии ӯро вазири корҳои дохилии Олмон Александр Добриндт тасдиқ намуд.

Селен Томас Халденвангро иваз намуд, ки дар охири соли 2024 пас аз кӯшиши номуваффақи интихоб шудан ба Бундестаг истеъфо дод. Пеш аз таъиноти расмӣ, ӯ қариб як сол вазифаи роҳбари идораро иҷро менамуд ва қаблан вазифаи муовини раиси BfV-ро ишғол менамуд.

Сардори ояндаи зиддиразведка соли 1972 дар Истамбул дар оилаи журналистон таваллуд шудааст ва ҳанӯз дар кӯдакӣ ба Олмон кӯчидааст. Пас аз хатми факултаи ҳуқуқии донишгоҳи Кельн, ӯ дар мақомоти ҳифзи ҳуқуқ, аз ҷумла дар ВКД ва идораи Ҷиноятии Федералӣ кор намудааст.

Чанд сол пеш Селен аз шаҳрвандии туркия даст кашид ва шаҳрванди комилҳуқуқи Олмон шуд.

Коршиносон қайд мекунанд, ки таъйини Селен рамзӣ аст: бори аввал намояндаи муҳити муҳоҷирон ба чунин вазифаи баланд дар соҳаи амнияти миллии Олмон таъин намуда шуд.

Вазорати федералии ҳифзи конститутсия (BfV) барои зиддиразведка, мубориза бо экстремизм ва ҳимояи сохти демократӣ дар Олмон масъул аст.

Дар солҳои охир ба ӯ мушкилоти марбут ба ҳаракатҳои радикалӣ, иктишофии хориҷӣ ва таҳдидҳои киберӣ рост омад. Таъйини Селен ҳамчун қадами навсозии хидмат ва васеъ намудани сиёсати кадрҳои он ба назар мерасад.

Аксҳо: welt de