Дүйшөмбү, 10-сентябрь, – «Караван Инфо» МА.Жамааттык коопсуздук келишим уюму (ЖККУ) мындан ары да ага мүчө мамлекеттердин кызыкчылыгын коргоо үчүн бардык зарыл чараларды көрөт, деп билдирди уюмдун баш катчысы Имангали Тасмагамбетов IV Евразиялык аналитикалык форумда сүйлөп жатып.

Анын пикирине Караганда, азыркы кездеги эл аралык кырдаал жогорку децгээлдеги оор абал менен мунезделет.

«Эл аралык коопсуздук системасынын виртуалдык кыйроосу, чыр-чатак потенциалынын топтолушу, аскердик операциялар үчүн заманбап технологиялардын жигердүү колдонулушу, гибриддик согуштун жаңы ыкмаларынын пайда болушу, санкциялык саясаттын болуп көрбөгөндөй масштабы өтө оор кесепеттерге алып келет», – деп белгиледи Тасмагамбетов.

Ошону менен бирге ал Евразия элдеринде тынчтык жана бакубат келечекти куруу үчүн бардык мүмкүнчүлүктөр жана ресурс бар экенин баса белгиледи. Анын пикиринде, ЖККУнун алкагында кызматташуу жана өз ара колдоо аймактагы туруктуулуктун негизги фактору бойдон калууда.

Тажикстан Ооганстан менен узун чек арасы бар ЖККУга мүчө жалгыз өлкө катары аймактык стабилдүүлүктү камсыз кылууда өзгөчө роль ойнойт. Тажик-ооган чек арасын бекемдөө, үзгүлтүксүз аскердик машыгууларды өткөрүү жана өнөктөштөрү менен ыкчам маалымат алмашуу республиканы жалпы коопсуздук системасынын маанилүү звеносуна айландырат.

Тажикстандын ЖККУнун механизмдерине катышуусу ага трансулуттук коркунучтарга, анын ичинде терроризмге, экстремизмге жана баңги аткезчилигине натыйжалуу жооп кайтарууга мүмкүндүк берип, улуттук гана эмес, бүтүндөй региондун жамааттык кызыкчылыктарын коргоону камсыз кылат.

СУРОТТв: ачык булактардан