Индиянын Нью-Дели шаарында өткөн жолугушууда ЕЭКтин соода министри Андрей Слепнев жана Индиянын соода жана өнөр жай министри Пиюш Гойал ЕАЭБ менен Индиянын ортосунда тездетилген форматта эркин соода боюнча натыйжалуу сүйлөшүүлөрдү жүргүзүүгө көмөк көрсөтүүгө багытталган жол картасы боюнча макулдашууну белгилешти.

Тараптар ошондой эле сүйлөшүүлөрдүн биринчи раундун ушул жылдын ноябрынын башында Индияда өткөрө турган мамилени макулдашты. Анда келечектеги келишимге байланыштуу негизги маселелер каралат. Отурумдун алдында Комиссия менен анын индиялык өнөктөштөрү жана ЕАЭБ мамлекеттеринин ортосунда активдүү консультациялар болот.

Министрлер сүйлөшүүлөргө ар тараптуу колдоо көрсөтүү үчүн үзгүлтүксүз байланыштарды улантууну макулдашты.