Душанбе, 17-сентябрь – Караван инфо маалымат агенттиги.15-сентябрда Доха шаарында Араб мамлекеттеринин башчыларынын жана Ислам Кызматташтык Уюмуна мүчө мамлекеттердин башчыларынын кезексиз жыйынынын алкагында Тажикстан Республикасынын Президенти, улут лидери Эмомали Рахмон Катар Мамлекетинин Эмири Шейх Тамим бин Хамад Аль-Тани менен жолугушту.

Эмомали Рахмон тажик-катар мамилелери достук, бир туугандык жана өз ара урматтоо маанайында ырааттуу өнүгүп жатканын белгиледи. Ал өткөн жылы жогорку деңгээлдеги расмий жана жумушчу сапарлар ийгиликтүү болуп, ишенимди бекемдеп, жаңы келишимдерге пайдубал түптөлгөнүн баса белгиледи.

Тараптар соода-экономикалык жана инвестициялык байланыштарды кеңейтүүнүн маанилүүлүгүн белгилешти.Төмөнкү стратегиялык багыттар боюнча кызматташууга өзгөчө көңүл бурулду:

• энергетика, транспорт жана байланыш,
• өнөр жай жана тоо-кен,
• сырьёну кайра иштетуу жана айыл чарбасын енуктуруу.

Экономикалык маселелер менен катар мамлекет башчылары маданият, илим, билим жана туризм тармагында өз ара түшүнүшүүнү чыңдоого жана элдердин жакындашуусуна кызмат кылган туруктуу кызматташтыктын маанилүүлүгүн баса белгилешти.

Жолугушуунун жүрүшүндө эл аралык жана аймактык уюмдардын, анын ичинде БУУ жана Ислам Кызматташтык Уюмунун алкагында кызматташуу маселелери боюнча пикир алмашуу болду. Саясий байланыштарды чыцдоо жана эл аралык аренада аракеттерди координациялоо зарылчылыгына езгече кецул бурулду.

Сүйлөшүүлөрдүн өзүнчө топтому региондогу өнүгүп жаткан кырдаалга арналды. Тараптар Катарга жакында болгон аскердик соккуларды талкуулап, туруктуулукту жана коопсуздукту бекемдөө үчүн биргелешкен аракеттердин маанилүүлүгүн баса белгилешти.

Дохадагы жолугушуу Тажикстан менен Катардын ортосундагы өз ара ишенимге, жалпы кызыкчылыктарга жана туруктуу өнүгүүгө умтулууга негизделген стратегиялык өнөктөштүктү мындан ары чыңдоого карай маанилүү кадам болду.

СУР0ТТ0: Тажикстан Республикасынын Президентинин басма сез кызматы