МОСКВА, 19 сентябри соли 2025 АИ «Караван инфо». Роскомнадзор ният дорад, ки ҳар сол аз ҳисоби ҷамъоварии рекламаи интернетӣ то 15 миллиард рубл гирад. Дар ин бора Роҳбари идора Андрей Липов хабар дод.
Аз 1 апрели соли 2025 дар Русия пардохти ҳатмӣ дар ҳаҷми 3% даромади семоҳаи ҳамаи иштирокчиёни бозор, аз ҷумла блогерҳо, платформаҳои таблиғотӣ ва агентиҳо ҷорӣ намуда шуд.
Тибқи маълумоти пешакӣ, дар семоҳаи дуюм, идора аллакай тақрибан 4 миллиард рубл ҷамъоварӣ намудааст.
“Мо ба даромади устувори на камтар аз 12-15 миллиард рубл дар як сол умед мебандем. Ғайр аз пардохт аз таблиғ, мо инчунин барои истифодаи спектри радио пардохт мекунем” гуфт Липов.
Вай илова намуд, ки даромади Роскомнадзор дар соли 2024 43,2 миллиард рублро ташкил дод ва дар натиҷаи соли 2025 афзоиши он то 46 миллиард рубл интизор аст.
Аз 1 сентябр барои таблиғи хидматҳои VPN ва воситаҳои убур намудани блокҳо, инчунин барои ҷустуҷӯи қасдан маводи экстремистӣ ҷаримаҳо ҷорӣ намуда шуданд.
Ин чораҳо ба пурзӯр намудани назорати фазои рақамӣ ва илова намудани буҷаи иловагии идора равона намуда шудаанд.
Аз соли 2025 қонунгузории русия ширкати интернетиро вазифадор намудааст, ки барои ҷойгиркунии реклама фоизи даромади худро пардохт кунад.
Механизм барои танзими бозори рақамӣ ва таъмини маблағгузории эҳтиёҷоти давлатӣ, аз ҷумла назорати фазои иттилоотӣ ва спектри радиочашм ҷорӣ намуда шуд.
АКСҲО: GLOBAL LOOK PRESS