Душанбе, 22 ноябр, – АИ Корвон Иттилоот. Ректори Донишгоҳи байналмилалии забонҳои хориҷии Тоҷикистон ба номи Сотим Улуғзода Ҷило Гулназарзода бо роҳбари Маркази илм ва фарҳанги Русия дар Душанбе Андрей Патрушев вохӯрӣ анҷом доданд. Дар вохӯрӣ самтҳои фаъолиятии донишгоҳ, забонҳои таҳсилшаванда ва ихтисосҳои ҷории донишгоҳ баррасӣ шуданд.
Андрей Патрушев қайд кард, ки Маркази илм ва фарҳанги Русия омода аст ба донишҷӯёни донишгоҳ дар идомаи таҳсил дар магистратура дар Русия кӯмак расонад ва ҳамзамон барои омӯзгорон имкониятҳои баланд бардоштани ихтисос пешниҳод кунад.
Вохӯрӣ дар фазои дӯстона баргузор шуд ва платформаи муҳиме барои баррасии дурнамои ҳамкорӣ дар соҳаи таҳсилот шуд
Баъд аз анҷоми музокирот меҳмонон ба факултети забони русӣ ва адабиёт ва ҳамчунин марказҳои амалкунандаи донишгоҳ ташриф оварданд ва бо раванди таълим ва инфрасохтори донишгоҳ шинос шуданд.
АКС: Донишгоҳи байналмилалии забонҳои хориҷии Тоҷикистон ба номи Сотим Улуғзода