Душанбе, 15 ноябр, – АИ «Корвон Иттилоот». 13 ноябр дар пойтахти Тоҷикистон, шаҳри Душанбе, намоишгоҳи байналмилалии “Тоҷикистон-2025” дар Маркази “ЭКСПО” оғоз гардид. Дар ин чорабинӣ беш аз 60 ширкат аз Тоҷикистон, Эрон, Ӯзбекистон, Беларус, Ҳиндустон, Покистон, Арабистони Саудӣ ва Чин иштирок доранд.

Намоишгоҳ барои боздидкунандагон имконият медиҳад, ки бо маҳсулоти саноати сабук, хӯрокворӣ ва туҳфаҳои гуногун шинос шаванд ва онҳоро харидорӣ намоянд. Ин чорабинӣ ҳамчун платформаи муҳими муколамаи тиҷоратӣ ва рушди ҳамкории байналмилалӣ миёни ширкатҳо арзёбӣ мешавад.\

Намоишгоҳ то 15-уми ноябр идома дошта, рӯзона аз соати 10:00 то 17:00 кор мекунад. Даромад ба чорабинӣ ройгон мебошад, ки барои таваҷҷуҳ ва иштироки васеи шаҳрвандон имконият фароҳам меорад.

АКС: АИ «Корвон Иттилоот»