Австриянинг Санкт-Aнтон-ам-Арлберг шаҳри жума куни кечқурун кучли момақалдироқдан кейин кучли кўчкидан азият чекди. Табиий офат натижасида йўллар тўсиб қўйилди ва подвалларни сув босди, бу оқибатларни бартараф этиш учун 350 қутқарувчи ва гуманитар ташкилотлар аъзоларини зудлик билан сафарбар қилишни талаб қилди.

Кўчки бинолар ва автоуловларни қоплаб, катта зарар етказди. Албергнинг асосий кўчаси транспортр учун бутунлай ёпиқ эди. Бундан ташқари, иккита маҳаллий оқим ўз қирғоқларидан тошиб, вазиятни янада оғирлаштирди ва янада вайронагарчиликка олиб келди.

Санкт-Aнтон вице-мэри Якоб Климмер табиий офат кутилмаган бўлганини таъкидлади: «бу жуда ҳайратланарли эди. Валлугадан Штайсбах-Шэнграбэнгача ҳудудда кэнглиги тахминан бир километр бўлган момақалдироқ ячейкаси ҳосил бўлиб, у жуда кучли ёғингарчилик билан ярим соат давом этди. Ҳаммаси бу ерда тўсатдан бошланди».

Айни пайтда жароҳатлар ҳақида хабарлар йўқ, бироқ расмийлар ва қутқарувчилар вазиятни кузатишда давом этмоқда. Янги зарарланиш хавфини ўрганиш ва аҳолининг хавфсизлигини таъминлаш учун ушбу ҳудудга геологлар юборилди.

Сурат: ATORF