19-декабрда Кыргыз Республикасынын Курулуш, архитектура, турак жай жана коммуналдык кызмат министри Нурдан Орунтаев Үрүмчү шаарында курулуш материалдарын жеткирүү боюнча кыргыз жана кытай компанияларынын ортосунда түз байланыш түзүүгө багытталган иш-чарага катышты.
Иш-чараны Кыргыз Республикасынын Курулуш министрлиги жана Кыргыз Республикасынын Экономика жана соода министрлигинин Соода өкүлчүлүгү биргелешип уюштурушту. Ага Кыргызстандагы 30дан ашык ири курулуш компаниялары, ошондой эле Үрүмчүдөн (Синьцзян, Кытай) 70тен ашык курулуш материалдарын өндүрүүчүлөр катышты.
Жолугушууда тараптар түз жеткирүү чынжырларын түзүү, продукциянын сапатын жакшыртуу, стандарттарга шайкеш келүү жана кызматташуунун логистикалык аспектилери боюнча талкуу жүргүзүштү. Мындай демилгелер Кыргызстандын курулуш тармагына заманбап технологияларды киргизүүгө жана анын атаандаштыкка жөндөмдүүлүгүн жогорулатууга салым кошору белгиленди.
Иш-чара Кыргыз Республикасынын Экономика жана соода министрлигинин Соода миссиясынын алдындагы Кыргыз-Кытай (СУАР) соода-экономикалык кызматташтык борборунун иш-чараларынын алкагында өткөрүлдү.
2025-жылдын 20-декабры, саат 12:44:36