Toshkent, 2025-yil 22-dekabr – Karavan Info axborot agentligi. Oʻzbekistonlik poygachi Ismoil Ahmadxoʻjayev 2026-yil yanvar oyida nufuzli Dubay 24 soatlik musobaqasida ishtirok etadi. U Rossa Racing jamoasiga boshchilik qiladi va ushbu afsonaviy 24 soatlik poygada ishtirok etgan Oʻzbekistonlik birinchi sportchi boʻladi.

21 yoshli toshkentlik haydovchi bir yil oldin ushbu trassada debyut qilgan Rossa LM GT rulini boshqaradi. Ekipaj tarkibiga taniqli haydovchilar ham kiradi: brend asoschisi Roman Rusinov, BAAning eng yaxshi ayol poyga avtomobili haydovchisi Amna Al Qubaisi va yosh haydovchi Vyacheslav Gutak.

Ismoil Ahmadxo'jaev ikki karra O'zbekiston karting chempioni. U Yevropa Formula 4 musobaqalarida qatnashish tajribasiga ega va Formula 3 musobaqasida sinov haydovchisi sifatida ham ishlagan. Uning Dubay marafonidagi ishtiroki mamlakatda avtosportni rivojlantirish uchun muhim voqea hisoblanadi.

2026-yilgi Dubay 24 soatlik poygasi 17-18-yanvar kunlari bo'lib o'tadi va an'anaviy ravishda butun dunyodan yetakchi jamoalar va ekipajlarni birlashtiradi.

Surat: ROMANRUSINOFF