Алматы, 2025 жылғы 24 желтоқсан – Karavan Info ақпараттық агенттігі. Алматыда жүргізілген «Пиротехника» жедел-алдын алу операциясы барысында полиция заңсыз айналымнан жарты тоннадан астам пиротехникалық өнімдерді тәркіледі.

Рейд басталғаннан бері заңсыз сатудың 52 жағдайы анықталды. Салмағы шамамен 510 келі болатын 167 отшашу қорабы тәркіленді. Анықталған барлық жағдайлар бойынша әкімшілік іс қозғалды.

«Бұл іс-шаралардың басты мақсаты — жарақаттар мен өрттердің алдын алу, сондай-ақ мереке күндері азаматтардың, әсіресе балалардың қауіпсіздігін қамтамасыз ету», — деді Алматы қалалық полиция департаментінің қоғамдық қауіпсіздік бөлімінің бастығы Асхат Құлбаев.

Фото : Қазақстан Республикасы Ішкі істер министрлігі