Qatar poytaxtida og'ir atletika bo'yicha 10-Qatar kubogi davom etmoqda. Musobaqaning uchinchi kunida O'zbekiston terma jamoasi o'z medallar jamg'armasiga uchta medal qo'shdi.

Terma jamoa aʼzosi Nigora Abdullaeva 58 kg vazn toifasida dast koʻtarish, siltab koʻtarish va umumiy hisobda ikkinchi oʻrinni egallab, kumush medalni qoʻlga kiritdi.

Ushbu vazn toifasida g'oliblikni Shimoliy Koreya vakili Oh Kvan Ok, bronza medalni esa Tunislik sportchi Aya Alavadi qo'lga kiritdi.

Dohadagi turnir 27-dekabrgacha davom etadi. Hozirga qadar o'zbekistonlik og'ir atletikachilar to'qqizta medalni qo'lga kiritishdi.

Nigora Abdullaeva uchun bu muvaffaqiyat xalqaro maydonda ketma-ket ikkinchi muvaffaqiyat bo'ldi: u ilgari Ar-Riyodda bo'lib o'tgan Islom birdamlik o'yinlarida uchta kumush medalni qo'lga kiritgan edi, bu uning chiqishlarining izchilligini tasdiqladi.