Астана, 2025 жылғы 31 желтоқсан – Karavan Info ақпараттық агенттігі. Қазақстанда теміржол вокзалдарын жаңғырту бойынша ауқымды бағдарлама жүзеге асырылуда. Жоба аясында ел бойынша бір уақытта 124 вокзал, соның ішінде облыс орталықтарындағы, шағын қалалардағы және ауылдардағы нысандар қайта жаңартылуда, деп хабарлайды ҚР Көлік министрлігі.

Жобаға кеңістікті кеңейту, коммуналдық жүйелерді жаңғырту, қасбеттер мен интерьерлерді жаңарту, сондай-ақ мүмкіндігі шектеулі жандардың жағдайларын жақсарту кіреді.

«Бағдарламаны іске асыру теміржол станцияларының өткізу қабілетін арттырады, көлік қызметтерінің сапасын жақсартады және азаматтардың барлық санаттары үшін қолжетімділікті қамтамасыз етеді», — деп атап өтті министрлік.

Жұмыстарды «Қазақстан темір жолы» ҰК» АҚ қаржыландырады және оларды аймақтық әкімдіктер таңдаған мердігерлер орындайды.

Фото : Қазақстан Республикасы Көлік министрлігі